Andað með nefinu

Ef stigmagnast þrasið og þrefið
svo þyngist mjög slímið og kvefið
og aumt nefið brennur
og endalaust rennur
þá ættirðu að fá þér í nefið.

Ort til guðs - regnkvæði.

Þinn þornar búkur ef þjórar mikið
-þvaglosandi.
Þín hugsun brenglast og herpist spikið
Ó helgi andi.

Votir sokkar

Ýmiss vandi veldur trega
sem votir sokkar.
Spillta þjóðin spekingslega
nú spilin stokkar.

Fátt

Fátt ég veit um vá og kvöl
víst er líf mitt skrítið.
Ekkert veit um bót né böl
og bölva því víst lítið.

Ort rétt fyrir kuldakast

Bráðum kemur betri tíð með bláum kulda.
Hitinn engum skal nú skulda.

Búrkutíð

Ég heyrði frétt í útvarpinu um daginn.

Fréttin fjallaði um það að búrkuframleiðendur í Afganistan væru að kvarta yfir minni sölu búrkusölu, vegna þess að konur þar í landinu væru orðnar frjálslyndari í fatasmekk. Málið er að mér heyrðist þulurinn segja "gúrkuframleiðendur" og var mér eðlilega brugðið við tíðindin:
 
Skelfilegt er þetta skúrkastríð
en skrítin mér þykir nú gúrkutíð
er þetta níska
eða nýstarleg tíska
undarleg er þessi búrkutíð.

Ástandið mun lagast - er það ekki?

Enn mér finnst það undravert
hvað okkar getu hefur skert:
Heimskra manna hugarflug.
En upp mun rísa okkar þjóð
eymdin hverfa, kvikna glóð.
Eftir næsta áratug.

Ratleiksvísur

Reyndu að rata eftir þessum vísum, staðsetningin er í Reykjavík en hver vísa vísar í ákveðinn stað innan Reykjavíkur:

1:
Þar er víðsýnt þar er hæð
þar má Golla  finna.
Þar var Boga þynnkan skæð
þar sést kreppuvinna.
 
2:
Skjólshús kennt við skáld og prest
skammt frá heppinn stendur.
Um daginn sást í góðan gest
sem gekk um Tíbetslendur.

3:
Enn við kennd þar, er ein gata
við óðalsbónda Hvítárvalla.
Ýmsir í skýlum einum fata
aðrir sitja, plotta, bralla.
 
4:
Rétt við Braut er blómanæði
blómstraði þar Sigur Rós.
Stytta sést, sá samdi kvæði
og selja vildi norðurljós.

Silvíóhnoð

Paprika og pepparóni 
pizza og makkaróni
Síungur sextugur dóni
Silvíó Berlúskóni.

Harðneitar að hætta

Stöku staka

Þessi var lengri - en er betri svona:

Ég er dauður, mjúkur, meyr
mig skal salta'og reykja
 - stoppa upp og steikja.

Ein limra:

Öskrandi illur og spólandi
ekur um blindfullur - gólandi
það er ei dáð
-dálítið ráð
drekktu þitt landasull - hjólandi.

... jarðfræðivísa:

Hraundrangur sem hruninn stóll
hlykkjast vegur.
Sprakk þar fram einn sprunguhóll
spekingslegur.

----

Svo gerði ég ratleiksvísur sem verða afhjúpaðar eftir að ratleikurinn er búinn og þá fáið þið að giska.