Ég trúi þessu ekki!

Trúi ég að trúin flá
sé trúleysi hin mesta.
Trúleysi ei trúi á
því trúi ég upp á flesta.

Ferðasagan.

Frá Hafnarfirði hægt fór fley
hálf var ferðin.
Stefnulaust sem hlöðuhey 
en hvasst sem sverðin.

Öldur klauf sætt ofurskip
á átta mílum.
Framhjá hval með sælusvip
og söddum fýlum.

Sjóskip gott fór gegnum él
gerði'ei skaða.
Því öll skip líða ljúft og vel
á litlum hraða. 

Kuldakvæði

Rósir huldu rúðugler
ræðst ég því til vopna.
Sköfu munda skrönglast þver
skelf, loks bílin opna.