Kaffi

Rennur blítt um rauðar varir polla-

brúna kaffið lygilegt,

litar hvítan bolla.

Nart

Fréttir skarta hvergi hryggð
í húddi'er nart í felum.
Hægt er margt í minni byggð
þar mýsnar starta vélum.

Mýs grunaðar um að hafa startað dráttarvél

Það segir sig sjálft

Yndæll er suðlægur andvari

og oft kemur stækja úr hlandkari.

Það segir sig sjálft

að svanur er álft

og í fjöru er fjörmikill strandþari.

Sunnudagsstökur

Út við gluggan andar köldu inn í bæinn.
Sljór ég að mér sloppnum hneppi
slæpist síðan undir teppi.

eða

Út við gluggan andar svölu inn í bæinn.
Undir sæng ég ætla'að kúra
obbulítið mun ég lúra

Gullsmíðadagurinn

Samvinnuverkefni mitt og konunnar minnar í tilefni af gullsmíðadeginum.

Ég á lítinn gæfan gullsmið

glæsimennið býr til hnoss

Heggur men og marglit gullhlið

munaðsvörur fyrir oss.

Lagt við hlustir

Þjóðin hún er þvæld og sjúk

og þurr hún arkar sandinn

Því leiðin hún er löng og mjúk

og lævi virðist blandin.

 

(Samt heyrist enn við orðafjúk

að í þér liggur vandinn.)

Kvöldmaturinn

Kvöldmaturinn var fjölbreyttur:

Á borðinu var bjúgnafjöld
og bragðgóð teista.
Kindug stappan kveikti eld
upp kynnti neista.

Ferð á heilsugæsluna

Nervus hef ég klemmdan cutaneus
og kröm í minni vinstri femoralis.
Læknirinn með innsæi og EUS*
uppnuminn svo stundi - lateralis.

Bragfræðiheimasíða

Hér er góð bragfræðiheimasíða fyrir byrjendur - Bragur. 

Þó að líði ár og öld
yrkja mun ég kvæði
Nætur, morgna, niðdimm kvöld
næring - bragarfræði. 

Veikindi

Lasinn í síðustu viku: 

 

Hérna sit ég heimavið
horfullur í koki
með illan hósta, auman lið
eins og hitapoki.