Einnig mættu koma svona fréttir:

Enn einn var handtekinn áður
auðmaður peninga háður.
Sem í felum einn lá
með fúlgur í skrá
Já auðmaður andskoti fjáður.

Stórfelld kannabisræktun stöðvuð

Föstudagskvöld

Klént var flæðið, klakafrost
kveðskaps fastur hlerinn.
Því bergi'á víni'og bláum ost
nú bráðnar kvæðafrerinn.

Stökur og limrur vikunnar.

Hér er ein sakamálalimra:

Rannveig var Ragga að farga 
en rekan hún gerði'ana arga.
í gröfuna fór
því guminn var stór
og mokaði rúmmetra marga.

Svo er hér tvær stökur samvaxnar um karlkynsframbjóðendur (á leir var verið að spá í það af hverju karlar væru tregari til að flíka útvexti sínum til að heilla hitt kynið):

Frambjóðendur fara'í keng
er flagga prýðisketi,
í bláum þröngum buxnastreng
svo bólgan sjáist geti.
 
Margir karlar kunna ráð
konur til að lokka.
Leyndarmálið skal nú skráð:
þeir skella í buxur sokka.

Svo var frétt á visir.is: Kannaði leyndarmálin í kvennaklefum (lag Ísland ögrum skorið)
 
Klofið, klippt og skorið,
krúnurakað þétt,
barma hárlaus borið
blasir það við nett. 
-Hlýju hefur misst.
En nauðsyn er að rýja rétt
því raksturinn er list. 

Svo er hér heilræði fyrir helgina:

Klístraðu á kollinn gel
og kneifaðu svo vínið dátt
en farðu elsku vinur vel
og varlega í yfir-drátt.

Á skíðum

Mamma var á skíðum:

Krafturinn af kerlu lekur
í klettasal.
Skyndilega skorpu tekur
og skíðar dal.

Flokkabönd

Um það gæti ort stakt ljóð
um föst flokkaböndin.
Undarleg er okkar þjóð
oft hún kyssir vöndin.

Samfylkingin stærst

Tvær stökur

Brosum gleitt og brýnum kverk
og bragafoldu yrkjum.
Nú standsetjum við stífluverk
og stuðlafossinn virkjum.

~~~~~~~~~~~~~~~~~

Vel mér líst á vísnatíst
sem vel hringsnýst hið innra
-sól fram brýst af sæla hlýst
ég séð hef klístur þynnra.

Lánaloforðið

Ég lána ei blásnauðum bjána
því bankabók vil ég ei smána.
En af því ei dreg
að ef þú ert ég
að endalaust mun ég þér lána.

Lánuðu sjálfum sér milljarða

Lækjasonnetta

Nú trítlar norðangarrinn gengnar slóðir
og grösin hylja þykkar flygsur kaldar.
Þurrar rósir undir fargi faldar
í frosti titrar ísköld jarðarmóðir.

Í lægðum þegja lækir frosnir hljóðir
í leiðslu horfa'á frera jökulskjaldar
þeir minnast vors er vældu nokkrir tjaldar
og vilja aftur stökkva'um fossahlóðir.

Því það er sæla að líða lágar grundir
leysast úr viðjum, hamrabeltin streyma
- litlir og frosnir, lækir dreyma enn.

Íbundnir klaka, kaldir enn um stundir
í kuldaböndum gott er þá að dreyma.
-frostið mun víkja, já vorið nálgast senn.

Ljóð - fyrsta uppkast

Nú trítlar norðangarrinn gengnar slóðir
og grösin hylja þykkar flygsur kaldar.
Skorpnaðar rósirnar undir fargi faldar
í frostinu titrar og skelfur jarðarmóðir.

Í lægðunum agndofa lækir frosnir hljóðir
í leiðslu þeir tilbiðja frera jökulskjaldar
þeir minnast þó vorsins er vældu nokkrir tjaldar
og varmann við strokur um brattar fossahlóðir.

Strætóvísur 7 og 8 (gullið far)

Hugarfylgsnið hraðar glæðir
höfugt far
gljúpt um borgargötur æðir
gullið svar

Gullið far með gatnablæti
götur sker
þvers og kruss um kuldastræti
klyfjar ber