Dimmt í morgun

Ort í orðastað sona minna í morgun, en þeim þótti heldur dimmt til að það væri dagur og tunglið elti okkur alla leið í leiksskólann:
 
Dökkur skugginn daginn heftir
dimm er aftur komin nótt.
Nú fylgir tunglið okkur eftir
eltir bíl og trítlar hljótt.

Afmælislimrur

Ég samdi nokkrar limrur fyrir stuttu - við lagið "Það gerðist hér suður með sjó".

Það var fertugsafmæli og hér má sjá nokkrar af limrunum - og þá þær limrur sem eru endurnýtanlegar (hinar lýsa afmælisbarninu).

Það hristir upp hjarta og streng
er hyllum við fertugan dreng
nú húrra við hrópum
já húrra og sópum
upp fortíð og minningar feng.

...

Í veiðiferð vaskur hann fór
með veiðistöng öngla og bjór
beit hreistraður biti
þá blóð lak og sviti
á öngli hékk stæltur og stór.

Hann skrönglaðist ofan í á
og elti um fossana þrjá
er girnið brast greip hann
um garpinn allsleipann
með sporðinum spriklaði frá.

Að eldast það er ekkert mál
því endalaust harðnar þitt stál
ættingjar, vinir
vænir og hinir
nú vætum við kverkarnar - SKÁL.

Ljóðmæli 7 - stöku háttur

Hér eru svo nokkrar stökur af ýmsum gerðum, mögulega síðasta samantektin en ef ég nenni þá á ég t.d. eftir að taka saman limrur sem ég hef gert - en einnig hef ég gert nokkrar hækur sem verða að bíða birtingar. Sjá stöku hátt í meðfylgjandi skrá

Skrár tengdar þessari bloggfærslu:

• ljo_maeli_7_stoku_hattur.pdf

Ljóðmæli 6 - kvöldskuggar

Hér eru nokkrar vísur og ljóð í þyngri kantinum. Sjá meðfylgjandi skrá:

Skrár tengdar þessari bloggfærslu:

• ljo_maeli_6_kvoldskuggar.pdf

Ljóðmæli 5 - myndir

Hérna eru ljóð og vísur sem ég vil kalla myndir, mest náttúrumyndir - sjá meðfylgjandi skrá

Skrár tengdar þessari bloggfærslu:

• ljo_maeli_5_myndir.pdf

Ljóðmæli 4 - heimsósómi

Í fjórða skammti er umfjöllunarefnið ýmiss ósómi, jafnvel hálfgert kvart og kvein. Sjá meðfylgjandi skrá

Skrár tengdar þessari bloggfærslu:

• ljo_maeli_4_heimsosomi.pdf

Ljóðmæli 3 - Gamanmál

Í skammti þrjú eru nokkrar vísur í léttari kantinum. Auðvitað er húmor manna misjafn, en vonandi hefur einhver gaman að. Sjá meðfylgjandi skrá:

Skrár tengdar þessari bloggfærslu:

• ljo_maeli_3_gamanmal.pdf

Ljóðmæli 2 - til ykkar

Í skammti tvö eru ljóð og vísur sem ortar hafa verið til konunnar minnar Gunnhildar og strákana okkar Þorgeirs og Friðgeirs.Sjá meðfylgjandi skjal

Skrár tengdar þessari bloggfærslu:

• ljo_maeli_2_til_ykkar.pdf

Ljóðmæli 1 - Nokkur ljóð

Í gegnum tíðina hef ég hent saman ýmsum kvæðum og ljóðum, en sjaldnast hef ég verið sáttur við afraksturinn. Hér birtist fyrsti skammtur af þeim ljóðum sem ég persónulega er ánægður með. Sjá meðfylgjandi skrá.

Skrár tengdar þessari bloggfærslu:

• Ljóðmæli 1 - Nokkur ljóð