Leita í fréttum mbl.is

Bloggfærslur mánaðarins, febrúar 2009

Rýrnun

Þetta er sjálfsagt skepnuskapur, en læt það vaða.

Í kasti víst koðnaði Jón
og Kidda þá fylgdi stórtjón
á frjálslyndra fund
mættu fimmhundruð pund
Guðjón og Grétar Mar ljón 


mbl.is Maður kemur í manns stað
Tilkynna um óviðeigandi tengingu við frétt

Þórður býður fram krafta blaðamanns.

Eftirfarandi kemur fram í fréttinni sem ég vísa í: 

Þórður Guðjónsson hefur ákveðið að bjóða Sjálfstæðisflokknum krafta mína fyrir komandi alþingiskosningar...

Ég vona að Þórður fari ekki að bjóða Sjálfstæðisflokknum krafta mína, þá myndi ég eflaust lamast skyndilega - sjálfviljugur.

Þessi útúrsnúningur var ókeypis og í raun góðverk dagsins af minni hálfu.

Lamast mun þessi blogg-loddi
ef lýsa mun yfir hann Doddi:
að vinni ég senn
fyrir sjálfstæðismenn.
Ég er mjúkur og meyr eins og koddi.


mbl.is Býður sig fram í 1.-4. sætið hjá Sjálfstæðisflokki í NV-kjördæmi
Tilkynna um óviðeigandi tengingu við frétt

Strætóvísa 6 (stopp)

Vafa get ég öllum eytt
ég aldrei dey.
Strætó minn hann stímar greitt
og stoppar ei.


Strætóvísa 5 (Hlemmur)

Þar sem lítill þistill hlær
með þrekað spritt.
Þar er Hlemmur, hraðar slær
hjartað mitt.

eða

Þar sem lítill þistill grær
og þetta'og hitt.
Þar er Hlemmur, hraðar slær
hjartað mitt.


Strætóvísa 4 (útsýnið)

Í strætó fimmtán útsýn er
ansi hátt:
Tengdamömmuboxið ber
bifreið sátt.


Strætóvísa 3 (eftirförin)

Í fjarska sá ég farið mitt
flutningsknör*
fari allt í auman pytt
-eftirför

*þetta er einhvers konar líking sem á að þýða strætó.

 


Þorrablótsbragur

Um síðustu helgi var þorrablót á Drangsnesi. Ég missti af því en fékk þó að vera með í því að semja smá texta fyrir nefndina:

Skemmtunin er búin brátt
og bráðum skulum dansa
svífum inn í salsað dátt
uns sveittu ennin glansa
 
Hrútspungana hristum glatt
sem helltum við í maga
hikstann eftir harðfisks smjatt
hákarl kann að laga.
 

Einn - tveir, nú öll við syngjum saman.
í svefninn ekki förum enn því nú er ennþá gaman.
hendumst brátt í hringdansinn
uns hverfur allur kraftur
Syngjum dátt og höfum hátt.
Hellt'u í glasið aftur.
 

Á hundraðfaldri ferð með glans
og fætur gólfið stappa
með mjaðmahnykk og magadans
matinn skaltu þjappa.
 

Við þökkum ykkur einlægt mjög
en enn mun ballið duna
djöflist nú við dágóð lög
á dansgólfið skal bruna
 

Einn - tveir, nú öll við syngjum saman.
í svefninn ekki förum enn því nú er ennþá gaman.
öll við prófum diskódans
uns dvínar allur kraftur
Syngjum dátt og höfum hátt.
Hellt'u í glasið aftur.


Glerhús

Þröngt er þitt glerhús minn Geir
samt grjótmolum kastarðu - Geir
þú þagðir full mikið
nú þyrlast upp rykið
-þögnin er gullin, minn Geir.


mbl.is Segir túlkun Geirs byggja á misskilningi
Tilkynna um óviðeigandi tengingu við frétt

Strætóvísa 2 (biðin)

Í biðskýlinu bíðum við
og bíðum enn.
Já við erum laglegt lið
litlir menn.


Tilgangslaust

Ég sé ekki að þetta sé mál sem ríkisstjórnin eigi að vera að íhuga núna, nóg annað að gera hjá henni. Má þetta ekki bíða?

Tal þetta er tilgangslaust
tæpast mun það þýða.
Það er fjandans fjármagnshaust
farin góðærisblíða.


mbl.is Gegn hvalveiðum
Tilkynna um óviðeigandi tengingu við frétt

Næsta síða »

Höfundur

Höskuldur Búi Jónsson
Höskuldur Búi Jónsson

Ég yrki og blaðra.

271 dagur til jóla

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Heimsóknir

Flettingar

  • Í dag (28.3.): 0
  • Sl. sólarhring:
  • Sl. viku: 3
  • Frá upphafi: 0

Annað

  • Innlit í dag: 0
  • Innlit sl. viku: 3
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband