Kjaftaskur

Kjaftaskur með krónískt glott og kólfur boginn.
Fitulaus kinnfiskasoginn
flaug hann yfir kaldann voginn.

Stærsti haförn sem sést hefur

Kannski

Þarft er tuð, en þreytt er frétt
um þunga hlekki
Kannski mun ég kjósa rétt
og kannski ekki.

Icesave-hópar stækka ört

Ástarglundur

Frétti af því að einhverjir væru byrjaðir að hirða þorskasvil (til manneldis jafnvel) - eftir miklar pælingar kom þessi staka:

Ástarglundur æsir lund
eyðir blund og slöku.
Éttu stundum fyrir fund
fiskibrundaköku.
 

Fram á vor

Fólska hríðin fjörðinn ber
og fjöllin lemur.
Veturinn hann verður hér
uns vorið kemur.

Með eða á móti

Fyrir dygga lesendur mína.

Hér fáið þið stöku til að henda á þá sem eru andstæðir skoðunum ykkar - nú geta pólitískar keilur farið að falla á báða bóga

Fjandi ertu fáfróður
og flest þín orð sem smér.
Allstaðar er áróður
en einna mest hjá þér

Bætt við - önnur útgáfa:

Fjandi ertu fáfróður
flest rök hrökkva'af mér.
Allstaðar er áróður
en einna mest hjá þér

.

Svo er hér staka sem ætti að vera nothæf til að skora stig í þjóðmálaumræðunni: 

Við heyrum stundum röfl og raus
sú rökþurrð margan ærir.
Ef rökin verða rakalaus
sú röksemd engan nærir.

 

Svo voru það sléttubönd sem má lesa fram og til baka - eftir hvaða skoðun hentar hverju sinni: 

Fórnar lýðnum, aldrei er
önnum sínum vaxin.
Stjórnar illa, sjaldan sér
sekan bankalaxinn.

og þá afturábak:

Bankalaxinn sekan sér
sjaldan stjórnar illa.
Vaxin sínum önnum er
aldrei lýðnum fórnar.

Hringhenda

Á landi snævar lon og don
lífs fer ævi bjarta.
Bágt mun þæfa bústna von
burðugt gæfuhjarta

Bjúgu

Nú elda ég bjúgu frá Bæ
og bragðgóða tuggu því fæ
og líkt og um Jólin
er lyktin og Sólin
þá skín og ég hraustlega hlæ

Leirhnoð

Synir mínir voru fyrr í kvöld að hnoða leir af áfergju, í orðsins fyllstu.. því ákvað ég að hnoða saman þennan leir, í orðastað annars þeirra:

Ég hnoða saman hring og snigil,
hesta tvo og kassagrey,
sem minnir nú á miniflygil
máf og sjóræningjafley.

Ábyrgð

Varla mun ég missa slag,
né mögla yfir raunum,
ef efla stjórar Íslands hag,
og ábyrgð fylgir launum.

Háum launum virðist nefnilega sjaldnast fylgja ábyrgð - eins og sagan sýnir.

Engin réttlæting fyrir ofurlaunum

Kvæðabrýnur

Kvæðasjón er dauf í dag
ég dett um stuðlalínur
Ég flæktist hér í fléttubrag
og féll við kvæðabrýnur.