Ullarstaka

Var ósáttur við síðustu stöku og lagfærði hana nokkuð:

Skelfing kalt er skíragull
sem skafl það veldur dofa.
En hjartans von er hærð sem ull
í hlýju þess vil sofa.

Djúpstaka

Hjartans von er hærð sem ull
og hlýja gleði veitir.
Ef föðurland er fínt sem gull
finnst mér kalt við leitir.

Blá er hönd

Bara smá athugasemd við myndina sem fylgir þessari frétt..

Seðil þungan hrifsar hönd
með hraði.
Bleikar neglur og blá er hönd
á blaði.

Úrslit í Norðausturkjördæmi

Útsynningur - uppkast að ljóði

Fékk hugmynd að uppkasti að ljóði þegar ég var að lesa Einar Sveinbjörnsson.

Nú anda kaldir vindar kúlum hörðum
klakkar fagrir, augum land á gjóa
sjá þar glitta í opinn Faxaflóa
og fjöllin brátt kitla í háum þröngum skörðum.

Stjórn

Stjórnar lýðnum, aldrei er
önnum sínum vaxin.
Fórnar kostum, sjaldan sér
sekan bankalaxinn.

Mjög gott skref

Rímæfing

Gálan er kalin og galin
samt gengur um salinn hún Palin
en frúin er slow
með frekju fékk show
- en kindin gekk kvalin um dalinn.

Sarah Palin í sjónvarpið

Askasleikir

Undanfarin ár hef ég bætt við einni og einni jólasveinavísu - nú er komið að Askasleiki. 

Treg var vitund,  tóm var vömb
trylltur hljóp af fjalli.
Í dalnum engin lítil lömb
lund í hungursfalli. 

Inn í bæinn arkaði
eftir náttmálsstundir.
Hryllingsbúkinn harkaði
höfðagafli undir

Hungrið særði sálartóm
sveinninn var í hnjaski.
Feginn sleikti gráan góm
er greip í brún á aski. 

Inn í bæ var dökkt og dimmt
draugaverur flæmdust.
Hund og kött hann kvaldi grimmt
kaldir askar tæmdust.

En núna kankvís krunkar hann
sem kanna upp á stólnum.
Þekkir allvel boð og bann
í blómarauðum kjólnum.

Sjá fleiri Jólasveinavísur

Askasleikir er jólasveinn númer sex í röðinni. Fyrr á öldum, þegar fólk mataðist enn úr öskum, faldi hann sig gjarnan undir rúmum. Þegar askarnir voru lagðir fyrir hunda og ketti til að leyfa þeim að sleikja, varð Askasleikir fyrri til, krækti í þá og hreinsaði innan úr þeim (af jolamjolk.is).

Lífsreglur

Lífsreglurnar eru ekki flóknar sem ég set synunum, sem eru þriggja ára:
 
Ekki klípa, ekki bíta,
ekki lemja,
ekki sparka, ekki spýta,
ekki kremja.

Þeir fara reyndar ekki alltaf eftir reglunum

Jólaundirbúningurinn

Þetta sagði frúin mér að gera - ég er ekki búinn að þessu öllu.
 
Hús skal svampa hátt og lágt,
hangiframpart reykja,
kaupa lampalýsið hrátt
og ljós með glampa kveikja.
 
Lesist með norðlenskum framburði.

Hvirfilbylur vs. fellibylur

Fellibylur feiknastór
feykist hafi yfir.
Utanvert er ógnarkór
í auganu kyrrð lifir.

Hvirfilbylur kraftmikill
kastast yfir landi
Snöggtum smærri snýst lykill
snúinn er sá fjandi

Munurinn á hvirfilbyli og fellibyli.

Um hugtakið fellibyli á ensku

Ofurhvirfilbylur á Kyrrahafi