Lopavettlingarnir

Hríðin fléttar freragrund,
frostið sléttar tjarnir,
mér þó létta líf um stund,
lopavettlingarnir.

Nokkar hringhendur

1.3.2013

Bólstraskýin brasa tóm,
ber þau rýja tindar,
upp úr dýi dafna blóm,
dansa hlýir vinar.

2.3.2013 

Óort

 

3.3.2013

Nú er Kári nývakinn,
með náhvítt hár og bauga,
ennþá sárar klípur kinn
og kreistir tár úr auga.

4.3.2013

Ef þu hlustar, heyrast köll
hrafninn dustar bakið
Vindur burstar vetrarmjöll
vængir gusta lakið.

Maríuerlan

Mild á ferli mætt á fund
maríerlan hoppar.
Læðist kerla, létt um grund
lítil perla skoppar.

Dropótt kind

Þó að berji blástur tind
brimið skerin mái
drekkur sérhver dropótt kind
dögg af hverju strái

Leðjudrulla

26.2.2013 (gleymdi að setja þetta inn í gær)

Niður bullar bleytan stríð
berg á fullu skoppar.
Leðjudrullan litar hlíð
líkt og sullist koppar.

Kolsvört fljót

Kolsvört fljótin kastast til
krafsa grjót úr bökkum,
hlíðar róta rispa gil,
rífa'úr gjótum dökkum.

Tvær tengdar hringhendur

23. feb 2013

Róum svörtum sjónum á,
sjávarhjörtinn dólum,
yfir kvörtum, einatt þá
alltof björtum sólum.

24. feb 2013

Þegar gjólan gerir hlé,
gárubólur titra,
hafs á kjólum hundrað sé,
hlýjar sólir glitra.

Bálhvasst

Vindur strýkur bröndótt bak,
báru fýkur eldur.
Öldubríka brennt er þak
blágrár rýkur feldur.

Gróft

Rjúka hviður rúðu á
regnsins kliður mæðir.
Alveg niður grund og gjá
grófa skriðan æðir.

Undan hvítri hulu...

Klént nú bítur kaldur ís,
klakinn þrýtur magur.
Undan hvítri hulu rís,
hundaskítur fagur.