Sigurður Dýralæknir

Orti smá til heiðurs Sigurði Sigurðarsyni fyrir stuttu:

 

Hér skal kveða karli brag

kitlar gleðistrengur

Slær á hnéð sér hress í dag

heill er eðaldrengur.

 

Gæðapiltinn sóma sé

síst er spilltur strákur.

Læknar gyltur, gleður fé

góður stilltur fákur.

 

Drekkur ráð um dýrin flest

doktor, gráðum skrýddur.

Skepnum þjáðum bjargar best 

býsn af dáðum prýddur.

 

Lífið glæðir, ljúf er værð

lækur flæðir glaður.

Óskir gæða frá oss færð

færi kvæðamaður.

Sumarríma

Hávært syngja söngfuglar um sælutíma
blíðlega hér byrjar ríma.

Sólin glampar, sveitin blómstrar suma daga
um það fjallar fögur baga.

Æðarblika bylgja vaggar blítt í næði
lýkur þessu ljúfu kvæði

Vetrarmynd úr Hvalfjarðarsveit:

 

 

Ljósadýrðin dansar glatt um dagsins rökkur.
Leggst á Hvalfjörð ljótur dökkur
ljósgulur og snauður mökkur

Sólin skín á sali fjalla, sæt að vanda.
Í ljósinu sé ljóta fjanda
lífleysi þeir frá sér anda.

Veðrið í gær

Sól skein, glöddu gælur

gelgju- velgdi -hýði

hlýtt og sætt sást hlægja

Hafnarfjall án mjallar.

Æpti aftur tjaldur 

ungu blómin sprungu

dásamlega daginn

dreymdi ég og gleymdi.

Um ráðamenn

Baulaðu smá búkolla 

svo batni lélegt gengi,

því hjá mér engin hjú tolla

þó helvítin ég flengi.

 

Svartþröstur

 

Í kulda sit ég fuglinn fagur 

feiminn þröstur svartur.

Ó að það kæmi aftur dagur

allur hlýr og bjartur.

 

Meðan ég við barrnál baksa

bætir enn í myrkur,

lengjast skuggar, skaflar vaxa

skímu - minnkar styrkur

 

En þó að ég sé mæddur, móður

og muni raunum flíka.

Þá kemur seinna sæla'og gróður

og sólin bjarta líka.

Hryllingsvísa:

 

Varúlfur þú vilt mig rífa'í sundur
verði tunglið alveg fölvagult,
Samt er eins og í þér sé smá hundur
ef að tunglið birtist trauðla fullt.

Vetur

Blómið kæfir kafaldsglýja
klessist snæviþakin jurt.
Angur svæfir andlit skýja
er þau þæfast hrakin burt.

Ráð við fylgistapi

Ef fylgið minnkar flokki hjá
flókin virðist klemma
og fréttir gerist fúlt að sjá
þá fjölmiðil skalt skemma.

Spurði hvort eitthvað væri að vörunni

Ort síðla kvölds

Ekki þarf að orðlengja né um það mala,
bulla, masa,tefja, tala
teygja lopann, röfla, hjala
góða nótt mín Gunna Vala