Hringhenda

 

Bragarsníði heillar hring 
hendan prýðis knúna
Daginn skrýðir dagrenning
dettum íða núna.

Undur (við)

Undur og er margt að meini
en enn virðast skrönglast í leyni
sú skrítnasta hjörð
sem hrekst hér um jörð
framsóknarflokkurinn eini.

Prumpuvísa

Prumpið ilmar eins og fjöruþari.
Náttúrunnar nítrógas
ég nota bara spari.

Brúðkaupsóskir

Ég samdi þessa vísu í tilefni þess að mágkona mín hún Fanney og Jónberg voru að giftast.

Á ykkar degi ætlum við
að óska brúðhjón kær
að gæfuveginn gangið þið
svo glöð sem endranær

Vesturleið

Datt í hug þessi vísa þegar mér varð hugsað heim á Strandir, hvernig sjá aðrir Strandirnar fyrir sér:

Ókunn lönd nú opnast mér
ótt til beggja handa
alltaf mun ég aka hér
um undraveröld Stranda.
(Því vegleysan hún vaggar þér
og vöskum bíl mun granda).

Esjan freknótt.

Hún bjóst ei við bölvuðu hreti
í bóli lá Esjan í leti
en kuldinn kom hratt
hún loks upp spratt
hvítfreknótt reis hún úr fleti.

Náttúrustemmur að vori.

Syngja'á heiði svanir tveir
og sinna hreiðurgerðum.
Sverja eiðinn synir þeir
og svífa breiðum herðum.

Áttlaust vindur yfir tind
æðir blindur núna.
Stendur hyrnd, slöpp, hölt og grind
- horuð kind við brúna

Lambaspörðin látúnsbrúnu
lita sinugrund.
Kind í hjörðu kroppar túnu
kát við vinafund.

Hjónasvipur.

Hjónin brátt hjala um mund
og hefja nú samningafund
sveitt verður törnin
að sameina börnin,
köttinn og hvasstenntan hund.

Fékk ekki boðsmiða.

Steingrímur heima víst hékk
og horfði á Batman og Skrekk
beið svo við síma
svört varð brátt skíma
því boðsmiða'á ballið ei fékk.

Ekki nógu sætur.

Geir snemma fór víst á fætur
formaður Jón núna grætur
á ballinu einn
einmana sveinn
alls ekki nógu var sætur.