Tunglið

Tignarlegt og tindilfætt nú Tunglið blikkar.
Í gærdag leit á gónið ykkar
glæsilegt með varir þykkar.

Hurðaskellir

Í nótt kemur Hurðaskellir

Trylltur kom af tindi einn
tæpur var á geði.
Ærandi og súr var sveinn
sjaldan fannst þá gleði.

Eins og bjarg af fjalli féll
fúli sveinninn skrækur.
Er við heyrðum hurðaskell
hjartað sökk í brækur.

Sem ærsladraugur inn í bæ
oft snar lætin þóttu.
Inn í dal og út við sæ
æstur sveinn að nóttu.

Lævís var með geðið grátt
í gómnun jafnan smellti.
Ef hönd hann sá í hurðagátt
hljóp hann til og skellti.

En núna er hann hress og hlýr
hoppar yfir þúfu.
Trampar gólfið feitur fýr
fínn með rauða húfu.

Sjá fleiri Jólasveinavísur

Hurðaskellir er sjöundi jólasveinninn, hávaðabelgur sem skellir hurðum og truflar svefnfrið fólks. Sums staðar gengur hann enn undir nafninu Faldafeykir en hann á að hafa feykt til földum. Þótt margir tengi það við pilsfalda, var upphaflega átt við faldinn sem konur báru á höfðinu. Nafnið Pilsaþytur hefur því heyrst vegna þessa misskilnings, en ekki náð fótfestu og er hvergi getið í heimildum (af jólamjolk.is).

 

Skammdegið

Dofnar styrkur, drukknar ljós
í dróma birkið slagar.
Úti kyrkja aldna rós
úldnir myrkursdagar

Vilja seinka klukkunni

Staka

Gólar tófa grimmt á heiði
grá hún lifir.
Sængina ég bráðum breiði
búkinn yfir.

Tóbakslaus í viku

Horfin vika, hristist grein
hrollur prikið skríður
tárvott nikótínið skein
tómleg blikan svíður.

Stjórnlagaþing #2929

Breyta skulum skyldurnar
skráningum og fleira.
Hlynntur er því, hér og þar
hingað til og meira!

Nikótínþörfin

Úti gengur áþján mín
upp skal hengja'á snaga.
Nú þig flengi nikótín
nú skal lengja daga.

Tvær limrur ótengdar.

Hér eru tvær limrur sem styðjast ekki við raunverulega atburði - þó það gæti litið þannig út.

Þorgeir minn borðaðu þinn mat
og þá mun ég gleypa hratt minn mat
Friðgeir og Mamma
maula nú kjamma
en mun frekar viljum við innmat.

---

Ætíð mér eykst nokkuð vissa
en oft verð ég töluvert hissa
eftir flösku af kók
að finn ég í brók
að fljótlega verð ég að pissa

Dimmt í morgun

Ort í orðastað sona minna í morgun, en þeim þótti heldur dimmt til að það væri dagur og tunglið elti okkur alla leið í leiksskólann:
 
Dökkur skugginn daginn heftir
dimm er aftur komin nótt.
Nú fylgir tunglið okkur eftir
eltir bíl og trítlar hljótt.

Afmælislimrur

Ég samdi nokkrar limrur fyrir stuttu - við lagið "Það gerðist hér suður með sjó".

Það var fertugsafmæli og hér má sjá nokkrar af limrunum - og þá þær limrur sem eru endurnýtanlegar (hinar lýsa afmælisbarninu).

Það hristir upp hjarta og streng
er hyllum við fertugan dreng
nú húrra við hrópum
já húrra og sópum
upp fortíð og minningar feng.

...

Í veiðiferð vaskur hann fór
með veiðistöng öngla og bjór
beit hreistraður biti
þá blóð lak og sviti
á öngli hékk stæltur og stór.

Hann skrönglaðist ofan í á
og elti um fossana þrjá
er girnið brast greip hann
um garpinn allsleipann
með sporðinum spriklaði frá.

Að eldast það er ekkert mál
því endalaust harðnar þitt stál
ættingjar, vinir
vænir og hinir
nú vætum við kverkarnar - SKÁL.