Veður

Er hverfur fögur fjallasýn,
fjúka tré og trambólín,
æðir sjór og áin hvín

- ýmsir þamba brennivín.

Viðvörun vegna hvassviðris og úrkomu

Ískaldur

Ef ég fengi ískaldan
ei það lasta getur:
Því bláköld þykir brimaldan
en bjórinn hressir betur.

Fótboltalimrur

Glæsileg þykja mér spörk um gras,
en glataður þótti mér Casillas,
er ítalskt kom spark,
og spólaðist í mark.
En Spánverjum reddaði Fabregas.

Hugnaðist mörgum, meir herpes
það heyrðist um tanga og annes.
Svo urðu til ljóð
um ljósku og fljóð.
- Lélegur þykir hann Torres.

Spánn og Ítalía skildu jöfn (Myndir)

Við sjóinn

Kliður sjávar kræsin lykt
köll í máfapari.
Í fjöru ráfa, flæðir kvikt
við fætur skrjáfar þari.

Sjaldan er ein stakan stök

Eykst nú skjól og skærar sól
skín - á hól sést kíkja.
Vorblíð gjólan vekur ból
senn vaknar sólarskríkja.

--

Svitnar jarðarsæng í hlýju sólarbaði.
Ljósrauð blóm í léttu streði
lyftast upp úr moldarbeði.

--

Sókndjörf þjóðin sýnir brest
og sífellt þyngist fár.
Hún veðsett hefur hrognin flest
í hundrað næstu ár.

--

Rjóð er þjóðin rám af þráa
rislágt fólk.
Gróða ljóður gerir bláa
gula mjólk.

Bárudans

Veturliðinn vær með strönd
vaggar kvið á báru.
Upp og niður öldurönd
ólmur miðar gáru.

Á hafsins þúfum hefur vald
hátt á skúfi dvelur.
Í gegnum úfinn öldufald
efstan kúfinn velur.

Bárur krappar brýtur hann
bylgju stappar glaður.
Berst sem tappi, bylgju rann
blikinn drapplitaður.

Upp að skör vill æður ná
enn til fjörs og náða.
Blessuð kjörin batna þá
en byrinn för mun ráða.

Frekjuköst

Oft er hefndin algjört möst
en einnig regin villa
því fýlutripp og frekjuköst
fara jafnan illa.

DFFU hættir viðskiptum við Ísland

Veðrið

Bolur, peysa, brók og húfa
bráðnar klaki, svitnar brá.
Veðrið lætur líkt og þúfa
lægð og hæðir skiptast á.

Grásleppan

Grásleppan sem grásprengd ull
er glæsileg og hrjúf.
Í Kína verður krás og gull
og kokkuð ansi ljúf.

RC Kóla

Ekki vil ég um það góla

enda normal maður.

En ef ég fengi RC Kóla

yrði ég sæll og glaður.