Vetrarmynd

Foldu hylur, frerinn svíður

frekur bylur tregur.

Klakaþiljað skerið skríður

skarfur silalegur

Kosningavísa

Handa ykkur vörðum veg
varla nokkuð ýkjum.
Standa orðin, tæpast treg
trauðla loforð svíkjum.

Loforð

Efnir loforð, sjaldan sér
svikin frammí tíma.
Stefnir látlaust, fráleitt fer
feigðar götu hríma.

Svikin loforð rædd um miðja nótt

Tvær stökur skyldar og þó

Forsetinn hann vaggar vel
og vodka torgar.
Með Pútín fer í partívél
til Pétursborgar.

 

 

Hefðu þeir af lífsins list
logið öðruvísi
þá hefðu álfar ekki misst
út sitt svikalýsi.

 

Svokallaði

Stífur var með stærilæti

stól hallaði.

Já æstur karl var Simmi sæti,
svokallaði.

Hungurdiskar

Ísinn visku enga fann
æddi fiskagrundir.
Hvergi'af miskunn hélan spann
hungurdiskum undir.

Ljónabrunch

Meðan ég á mögru fæði

matast vildi bunch,

varð gíraffi með gruggugt sæði

að góðum ljónabrunch.

Miðdegislúr

Bangsi litli hrýtur hátt
hlær í svefnsins rofa,
nú er dúkkan nokkuð sátt,
nú þarft þú að sofa.

Hvalbjór

Ýmsir nú sjúga með ekka
ölið með mjölinu flekka
en þykja ei leitt
því ljóst er það eitt
að þjóðlegt er þarma að drekka....

En alls ekki hræðumst né hörmum
hvalbjórin drekkum í förmum.
og gleðin við völd
ei gleymist í kvöld
því gott er að sjúga úr þörmum.

Þarmainnihald í hvalbjórnum

Æsa upp þorra..

Líkt og vor er vetrartíð

vætan skorur fyllir.

Ekkert þorir Þorrahríð

þungu spor sín tyllir.