Sikaflex

Ef lekinn þinn vex og vex
og vöntun þú hefur til þreks
þig allt er að buga
þá aðeins mun duga
ellefu Sikaflex.

Tvö skjöl um Tony Omos í gangi

Tvær stökur

Flestar hef ég fjaðrir reytt
fjörs til ams og trega.
því yrki'ég bara'um ekki neitt
eins og vanalega.

 

Stundum er það sagt í sveit
og sumum skrám,
að sjaldan falli fjörug geit
fjarri trjám.

Heilræðavísa

Þó gangir hratt svo gusti'um stakk

þá gáðu hvar sé strikið.

Því annars mun það fara'á flakk

og færast alltof mikið.

Guðni

Skeifur lemur, blessast bú
brýtur klípu, glæðir.
Reifur Guðni kyssir kú
kalda osta bræðir.

Vorið nálgast

Sólin blessuð svífur fjöllum ofar.
Eins og meyjan leggjalöng
ljósu skýin klofar.

Klakaböndin kreista úr sér safa.
Dropar niður detta ört
dansa létt og skrafa.

Sumarveðrið vekur jafnan kæti.
Lækjarkliður kallar hátt
kann sér varla læti.

Upp úr sandi urt af monti rifnar.
Feimin undir fjörustein
flóin brúna lifnar.

Sendlingstásur tælir græni sjórinn.
Björtum rómi, sykursætt
syngur fjörukórinn.

Sléttar fjaðrir sleikir þýður blærinn.
Spáir logni spekingur
spegilsléttur særinn.

Fyrsti apríl

Í tilefni dagsins ákvað ég að yrkja mjög langa rímu:

Þó að ríma þessi hangi
þurr sem kösuð beita.
Finnst mér víst að flestir gangi...
Fyrsta apríl.

Sparigammasjóðir

Nú fer þjóð á neyslutúr
neistar sjást í glóðum,
sem sperrileggir sparka úr
sparigammasjóðum.

Innilokuð

Innilokuð, út þó kíki,
eru að bíða, gömlu brýnin,
eftir því að vetur víki,
vonglöð bláu trampólínin.

Hrím

Um freraslóðir frost og hrím

Forsetinn sést þræða.

En tal um allt sem ógnar Krím

ekki má um ræða.

Þaraþönglar

Oft í bylgjum eiga greiðan.
aðgang menn sem lýðinn þreyta.
Fúla þaraþönglabreiðan
þingsins fjörur sést nú skreyta.