Spenatota

Ein vísa ort að mestu í fyrradag og kláruð í dag:

Á Spenatotu þraut mitt þrek
við þorskarotið lúið.
Að niðurlotum nú ég rek
nú er skotið búið.

Tvær stökur frá júní/júlí

Regnið lemur hvasst og kalt
kælir djöfuls fokið,
breimar hávært blautt og svalt
bölvað norðanrokið.

 

Grímsey hún er glæsileg
græn með svarta dranga.
Þegar fer ég titra treg
tár á mínum vanga.

Lúi

Lúi hefur ljúfa sál:

Lundin sönn.

Þetta er því augljóst mál:

Öxl í tönn !

Eirgrænn lortur

Framsókn vill grýta þá grísku
gambísku og indónesísku
og því get ég ei ort
um þann eirgræna lort
- samt yrki því það er í tísku.

Flokkunarfræði

Ef að þú flokkast sem fasisti,

og flörtar þinn innri mann, rasisti

og illsku af þunga

ælir þín tunga

þú efalaust endar sem nasisti.

Rím

Smá rímæfing:

Fordómunum frenjan gýtur
flæða dreggjar andans,
áfram skítaskólpið flýtur...
úr skögulkjöftum landans.
Já skömmin alla bresti brýtur
- björt er ásýnd fjandans.

Þrestir

Úti þrestir hafa hátt
húsa milli sunda
Í svefninn fara fuglar brátt
farðu því að blunda.

Framsóknarblómin

Nú heyrum við suðið og hljóminn
og háværan kvörtunaróminn
er byrja að visna
vökna og gisna
viðkvæmu framsóknarblómin.

Fuglar, flugur og Heiðmörk

Ég tók þátt í hinu lita hagyrðingamóti kvæðamannafélagsins Iðunnar og orti þessar:

Fuglar

 

Hanar gala, glæðist allt
grænka dalir fjalla.

Lækir hjala fjórtánfalt
fuglar tala'og kalla. 

 

Flugur

 

Frjó í stuði fylla loft 

flugur suða mikið,

svo má tuða ansi oft

upp er fuðrast rykið.

 

Heiðmörk.

 

Fögur heiðin fagnar mest
við fuglahljóðin spöku

og upp í Heiðmörk einhver sest

að yrkja góða stöku.

Umræða

Ef ætlarðu aðeins að kanna
umræðu góða og sanna
þá gættu þín á
að oft fara'á stjá
einræður skógræktarmanna.