Vísnagáta:

Upp á dæmin ýmis sannast.
Oft á skyggja prestar.
Lárétt við þær línur hrannast.
Lækna gjarnan pestar.

Skattabreytingar

En ef þér finnst þú eins og flón
og aumur hrotti.
Þú hrærir bara hafragrjón
í heitapotti.

Landslag

Landslag dofnar, bleikt er ból

og blánuð sýnd.

Fagurrauð er feimin sól

en fjöllin týnd.

Mikil gosmengun í Grafarvogi

Goga

Dillar sér og dansar vært
í draumabláu gasi,
í gosmekkinum glitrar skært
Goga Ashkenazi.

Líkur á skúrum

Það finnast oft bökur í búrum

og brækurnar hanga á snúrum.

og ef þú átt bíl

og annast af stíl

þá aukast víst líkur á skúrum.

Haustið

Haustsins vindar kyssa kinn og hverfur leti,
berin öll að bólgnu fati,
bísna vel ég held þau rati.

Gáta

Vísnagáta, sagnorð - mismunandi merking.

Verkar áfram brennda baun.
Blaðrar meir en fréttir.
Sviklaus fengust sigurlaun....
Sækir í, hann Grettir.

 

Haust

Ef skipin grá með reista rá
rósemd þrá í nausti,
hrafnagjá er berjablá
er brostið á með hausti.

Skattabreytingar

Flatskjái - sem betur fer,
fáum við - sem vera ber,
þar kokka á glápum,
en í kæliskápum
verður tómlegt og tæplega smér.

Hraun

Leki kom að klettasprungu ,
kvikan rann frá hárri bungu,
en hraðar láku hraunin þungu
af hræðilega svartri tungu.