Dýrðarsöngur

Víst er svo að værðargöng
vildi'ég glaður arka
og hlusta'á drottins dýrðarsöng
djúpt úr orðubarka.

Yrkisefni

Þó að ríði hríð í hlað,
hlaupi víða stormur að,
æði stríður vindur vað,
vil ég síður yrkja'um það.

2014

Hjallar láku, svikin sór
svíðings stjórnarfárið.
Allar leiðir fjandans fór
fúla sísta árið.

Ráð við fylgistapi

Ef fylgið minnkar flokki hjá
flókin virðist klemma
og fréttir gerist fúlt að sjá
þá fjölmiðil skalt skemma.

Spurði hvort eitthvað væri að vörunni

Ráðherraráð

Ef þungt er bókhald, þraut er enn
þrifkonur skalt reka,
en gott er að eiga aðstoðarmenn...
ef eitthvað þarf að leka.

Staka um veðrið

Hríðarbylur mæðir menn

margur ákaft blótar.

Skaflavélin skröltir enn

skúlptúrana mótar.

Stefnan

Stundum virðist stefnan greið

straumur fleyið burt vill draga.

Ef augnablik þú berst af  leið

best er áttir fljótt að laga.

Ort síðla kvölds

Ekki þarf að orðlengja né um það mala,
bulla, masa,tefja, tala
teygja lopann, röfla, hjala
góða nótt mín Gunna Vala

Af gömmum

Nú opna menn auðkennishlið

og ætla að strjúka sinn kvið 

en hýenur glotta

hlægja og spotta

því gammarnir vorum víst við

Heilræðavísa

Ef þú nemur annan hreim,
sérð augun grimm,
nefið finnur nýjan keim...
og nótt er dimm:
Þá opna skott og eyddu þeim
með MP5.

Full þörf fyrir vopnaða lögreglu