Sólmyrkvinn

Sól að morgni mallar þreytt
móð en kvik.
Bak við tunglið ætlar eitt
augnablik.

...

Máninn fór sitt hnattahnyt
hálf-lúinn.
Á hann góndi alveg bit
almúginn.

Angry birds - Íslensk saga

Sagan hans Friðgeirs

Skrár tengdar þessari bloggfærslu:

• angry_birds_-_islensk_bok-fri_geir.pdf

Limrulíki

Áður en yfir allt lýkur
oftast þá minnið það svíkur
samt molnar allt hrím
ef manstu þitt rím
og mætir þér blessaða vorið.

Í góðri trú

Ekki taka aukaslög
aumu hjú.
Glaðleg braut hún gruggug lög
í góðri trú

Sumir dagar

Sumir dagar flýta för

framhjá vilja þjóta,

aðra skrýðir skammlaust fjör

skal ég þeirra njóta. 

Tilvísanir

Svanir gráir lita lokk
ljótan drengskap nefna.
Tilvísanir flækja flokk
frelsar hentistefna.

Vísnagáta

Hvorugkynsorð 

 

Fimmta lýsing Fróni á.
Finna má í landi.

Ýmsir þarna afla spá.

Er á löngum brandi.

Fyrir viku

Ort fyrir viku:

Fjárans veðra fjandans bálið

fýkur úti rusl og snjór.

Ég hangi inni, hugsa málið

ég held ég verði að fá mér bjór.

Vísnagáta

Vísnagáta, karlkyns nafnorð

Tvöfalt flagnar gæran glæst.
Glæra, en undir svell í leyni.
Segir eitt og annað næst.
Yfirborðin, þunn á meini.

Af kvæðafundi

Var

 

Hríð og gjóla hristir stoð

holótt gerist mar.

Kannski er best að hvíla gnoð
og koma sér í var. 

 

Er

 

Stundum fer ég fram úr mér
fer þó vart að ljúga.
Nú er komið árið er
allir bílar fljúga.

 

Verður

 

Rýkur yfir sjónum salt

svíður illa gerður.

Svíkur gleðin, aldrei allt

árið frábært verður