Ratleiksvísur

Reyndu að rata eftir þessum vísum, staðsetningin er í Reykjavík en hver vísa vísar í ákveðinn stað innan Reykjavíkur:

1:
Þar er víðsýnt þar er hæð
þar má Golla  finna.
Þar var Boga þynnkan skæð
þar sést kreppuvinna.
 
2:
Skjólshús kennt við skáld og prest
skammt frá heppinn stendur.
Um daginn sást í góðan gest
sem gekk um Tíbetslendur.

3:
Enn við kennd þar, er ein gata
við óðalsbónda Hvítárvalla.
Ýmsir í skýlum einum fata
aðrir sitja, plotta, bralla.
 
4:
Rétt við Braut er blómanæði
blómstraði þar Sigur Rós.
Stytta sést, sá samdi kvæði
og selja vildi norðurljós.

Athugasemdir

[Emil Hannes Valgeirsson, 6.6.2009 kl. 23:50]

Rati ég ekki í ógöngur þá vísa vísurnar mér fyrst að Arnarhóli, síðan upp Skólavörðuholtið hátt, þaðan um Barónsstíg og að lokum að hinu mikla Klambratúni.

[Höskuldur Búi Jónsson, 7.6.2009 kl. 23:40]

Klikkar ekki :)

Arnarhóll - Hallgrímskirkja - Sundhöllin - Klambratún.

[Offari, 16.6.2009 kl. 20:47]

Ég rata aldrei í Reykjavík.