Nokkrar stökur að hausti

Berjamó

 

Börnin fóru í berjamó
blíðan vekur lukku. 
Blána varir, víst er ró
samt vantar enn í krukku.

 

 

Derhúfur

 

Ef smotterí klígjar þig smérkúfur,
í smávindi fjúka burt derhúfur,
allt er í flækju,
fýlu og stækju,
þá fljótur skalt senda út herdúfur.

 

Ármann

 

Þó að líði lífs að vetri
liðið hafi fjölmörg ár.
Ármann verður bara betri
batnar líkt og viskítár.

 

 

Nonni Valur kvennagull

 

Hver er mjúkur, hlýr sem ull,
hjartaskýr og laus við bull,
nískur ei á nautnasull?
Nonni Valur kvennagull.

 

Bæjarfellið á Selströnd

 

Norðankulið hefur hæst

í hríðarsöngum.

Bæjarfellið gægist glæst

með grátt í vöngum.

 

 

Nokkrar stökur

Sumardagur

Allt er lífið yndislegt
engin þörf að kvarta.
Að heimta sól er soldið frekt
sumardaga bjarta.

Hundaskítur í poka

Á landi bylja lægðirnar
svo lortar eyðast hraðar,
en hérna sjáum hægðirnar
hægeldaðar.

Áningastaðir án kamars:

Við dráttarvélar, drasl og hlið
dafnar kjarr og rjóður.
Víða bráðum blasir við
bústinn suðrænn gróður.

Nokkrar stökur

Kjaftinn lemur kjarrið hrjúfa 
karlinn þetta tefur.
Kindagatan, kræklótt, ljúfa 
kraftinn aftur gefur.

Nú er sumar veit ég vel 
samt vekur undrun mína,
er kinnar sleikja slydduél 
sem slæfa gleði fína.

Haust og sumar, vetur, vor
veldur jafnan hneisu.
Ávallt kuldi, eilíft hor 
og eg í lopapeysu.

--------------

Ferskt er Ísland, ekkert slór 
öskrar kórinn HÚ.
Knattspyrna og kaldur bjór 
korter yfir þrjú.

Í ólguhita öskra dátt
'ég er kominn heim'.
Takturinn í slökum slátt 
nú slátrum bjórum tveim.

 

Drukkið hef (og horft á spörk)
hálfar tylftir krúsa. 
Sá að nokkur setti mörk
seigur karlinn Musa.

 

Er nú ljóst að enn er Kól-
umbía í góðum málum. 
Ljóst er því að liggur Pól-
land á velli hálum.

Grasið grær

Öskugrár er úfinn sær 
ýmsa lægðir kvelja.
Frekar hægt nú grasið grær 
grænt á milli élja.

Sumar vísa

Ísalandið oftast hér
enn á kulda lumar,
þó krókni lóan kannski er 
komið bráðum sumar.

Moldarbeð

Lóan kuldan kvað í burt og kom með hraði.
Hlýju sólarljósið léði,
lifnar yfir moldarbeði.

Vorstemming

Víst er svo að víða þykir vor í lofti, 
sem fyllir andann fítons krafti
en fuglar segja haltu kjafti.

Ástandið

Ástandið er ansi gott
engan sé ég vanda.
Alls staðar ef vatn er vott
veiðist gómsæt branda

Sögulok

 Eigi vil ég flís í fót,
fúla tuggu slíms í kok,
kolsvört andans kýlin ljót,
- komi bráðum Sögulok.

Kvæðahrotur

Unaðstímar aftur koma eftir vetur.
Fáar voru vísnalotur
á vorin aukast kvæðahrotur