Þegar rignir

Þegar rignir, rýkur aldan
rokið skemmir svefn og vöku
Þá er fínt að fá sér kaldan,
fínan mjöð og yrkja stöku.

 

 

Stökur til geymslu

Sáttur rölti vetrarveg,
vorsólin er æðisleg,
lykt af sumri ljúft að dreg,
liti haustsins elska ég.

 

Í hliði dökku hokir spenna

til heljar sálir togar.

En varla munu bátinn brenna

blautir vítislogar.

Sumarglóð

Þó að haustið þenji kvið,
þagni bráðum fuglahljóð,
Kári blístri, bæli frið,
birtist ennþá sumarglóð.

Alnetið

Þegar ég kláraði loksins að lesa allt alnetið:

Hérna lesið hef ég allt
og hraflið niður párað.
Alnetið hef sætt og salt
sopið gleypt og klárað.

Gróður

Hvarvetna að hníga rök

er hverfa gróðurtindar,

en öll við kannski eigum sök

einnig hraun og vindar.

Veðrastaka

Þó enn virðist þrautin fjær

á þolinmæði sýður,

sífellt færist sjálfsagt nær

sumaraukinn þýður.

Nóg af makríl til átu í vetur

Skrefin verða þvílíkt þung
á þorrrablót að djamma
í mat þá fáum makrílspung
og makrílssviðakjamma.

Síðasta vorlægðin:

 

Blakti hár og bleytan hrá
blasti við í spori,
er angra vildi okkur smá
ördjúp lægð að vori.

Bóluþang

Þar sem ég var í útivinnu í dag og þurfti skyndilega að tefla við páfann þá ryfjaðist upp gott ráð, þ.e. ef þú ert staddur nálægt fjöruborði og fjarri salernisaðstöðu - ákvað að setja það í bundið mál:

Niðr'í fjöru nettur lít
í nibbu hangi.
Brúnan fel svo blautan skít
með bóluþangi.

Kaldur rani

Oft nú heyrist hnuss og dæs
hér á köldum rana,
því norðanvindur blæs og blæs
blæs af gömlum vana.