Af landsmóti kvæðamanna

Frá Hótel Bifröst blasti vel við Bauluröndin.
Létt var Rósa, lyftist höndin,
liðu'um hlustir segulböndin. 

Bára kvað við raust og rímur risu'og flóðu
Kvæðalögin kenndi góðu
kraftmikil úr þjóðarglóðu.

Ragnar Ingi vísar vel á vísnahvata,
sveiflast hendur prik að pata,
pent þá flestir stuðlar rata.

Fjölmörg börnin Bólu-Hjálmars bögur yrkja,
kveða hátt og stuðla styrkja,
stöðugt með því þjóðlegt virkja.

Vorstemming

Víst er svo að víða þykir vor í lofti, 
sem fyllir andann fítons krafti
en fuglar segja haltu kjafti.

Ástandið

Ástandið er ansi gott
engan sé ég vanda.
Alls staðar ef vatn er vott
veiðist gómsæt branda

Sögulok

 Eigi vil ég flís í fót,
fúla tuggu slíms í kok,
kolsvört andans kýlin ljót,
- komi bráðum Sögulok.

Kvæðahrotur

Unaðstímar aftur koma eftir vetur.
Fáar voru vísnalotur
á vorin aukast kvæðahrotur

Úrvals

Meyr er fæðan, mjúk og völtuð
og mött með ögn af ryki.
Puran reykta, pækilsöltuð
með prýðiskeim af biki.

Sæbraut lokuð vegna umferðaróhapps

Snjótönn

Ef við viljum aðeins spara
er ofan kemur snjófönn.
Ásmundur þá ætti að fara
um á bíl með snjótönn.

„Ég hef ekki fengið medalíu“

Nokkrar stökur

Nokkrar stökur sem urðu til síðustu tvo-þrjá mánuði.

Síminn minn er stilltur þannig að þegar ég fæ smáskilaboð (SMS), þá heyrist tíst eins og í litlum kjúklingum:

Í vasa kalla' og kveina ótt
kjúklingarnir óðu.
Ódýrt bensín eiga gnótt
olíufélögin góðu

-

Hangi inni, hart er straffið
hríðir trega.
Drolla smá og drekk svo kaffið
dásamlega.

-

Nú er úti ansi kalt,
inni rugga tröllin.
Drunur heyrast, dansar allt
drynja hlátrasköllin.

-

Jólakveðja:

Kæra jólakveðju sendum,
kætumst dætur, synir.
Bráðum þetta árið endum
elsku bestu vinir.

-

Góð er tíð og gleðileg
grátt sést skegg á höku.
Allajafna yrki ég
eina jólastöku.

Á jóladisk er jólasmér

og jafnvel dísæt kaka.

Oft þá lekur upp úr mér

önnur jólastaka.

 

Ljótt er þetta, lítið fer

um ljóða- og vísnagæði.

Þetta samt nú orðið er

algjört jólakvæði.

 

Rífur skyrtur, rjúpan góð

reindýr, lamb og álkur.

Eftir stendur, örstutt ljóð

ekta jólabálkur

-

Á fjallinu í fuglaleysu
finn að nálgast ísköld gröf.
Í legghlífar og lopapeysu
langar mig í jólagjöf.

-

Ef þig þreytir alls kyns streð,
þú öskra vilt og hljóða,
mun þitt eflaust milda geð,
mandarínan góða.

Ármann frændi

Ég virðist hafa gleymt að setja þetta inn á síðuna síðasta sumar:

Gránar himinn, dropar detta
dröfnin vaggar til og frá.
Steingrímsfjarðar föl er hetta
feiminn kveður, dögg á brá.

Málar fjörðinn milljón liti
mögnuð sól og kvöldroðinn.
Ávalt varst að okkar viti
allra besti vorboðinn.

Undan vindi bærist bára
blíðlega og nærgætin.
Líður tímans lygna gára
ljúfan núna kveður vin.

Þreifingar

Þukl og aðrar þreifingar
þráfalt um þið dylgið,
því hugsar sér til hreyfingar
hægri'og vinstra fylgið.