Ósonlagið

Með sólinni það er víst unnt
að eignast lítið sortuæxli,
því ósonlagið er mjög þunnt
eins og þrælteygt hnísubægsli.

Flækjuflóð

Mitt kvæðabjóð er flækjuflóð
en ferskt er góða ölið,
því humalsfóðurs gullna glóð
vel gerjar þjóðarmjölið.

Sumarið er komið

Norðanáttin nöpur blés í nokkurn tíma.
Vænt er komið vor og sumar
veðrið blandast rjóma'og humar.

Spýtuþorrablót

Sjá Spýtuþorrablót í Gerðubergi

Út við dyr sé fúinn fót
og flís á hörðu enni.
Það er spýtuþorrablót
og þrútin timburmenni.

Utankjörfundaratkvæðagreiðsla

Afbragð - nú er lund mín létt
og laus við hlekki.
Veistu - kannski kaus ég rétt
og kannski ekki.

Kjaftaskur

Kjaftaskur með krónískt glott og kólfur boginn.
Fitulaus kinnfiskasoginn
flaug hann yfir kaldann voginn.

Stærsti haförn sem sést hefur

Kannski

Þarft er tuð, en þreytt er frétt
um þunga hlekki
Kannski mun ég kjósa rétt
og kannski ekki.

Icesave-hópar stækka ört

Ástarglundur

Frétti af því að einhverjir væru byrjaðir að hirða þorskasvil (til manneldis jafnvel) - eftir miklar pælingar kom þessi staka:

Ástarglundur æsir lund
eyðir blund og slöku.
Éttu stundum fyrir fund
fiskibrundaköku.
 

Fram á vor

Fólska hríðin fjörðinn ber
og fjöllin lemur.
Veturinn hann verður hér
uns vorið kemur.

Með eða á móti

Fyrir dygga lesendur mína.

Hér fáið þið stöku til að henda á þá sem eru andstæðir skoðunum ykkar - nú geta pólitískar keilur farið að falla á báða bóga

Fjandi ertu fáfróður
og flest þín orð sem smér.
Allstaðar er áróður
en einna mest hjá þér

Bætt við - önnur útgáfa:

Fjandi ertu fáfróður
flest rök hrökkva'af mér.
Allstaðar er áróður
en einna mest hjá þér

.

Svo er hér staka sem ætti að vera nothæf til að skora stig í þjóðmálaumræðunni: 

Við heyrum stundum röfl og raus
sú rökþurrð margan ærir.
Ef rökin verða rakalaus
sú röksemd engan nærir.

 

Svo voru það sléttubönd sem má lesa fram og til baka - eftir hvaða skoðun hentar hverju sinni: 

Fórnar lýðnum, aldrei er
önnum sínum vaxin.
Stjórnar illa, sjaldan sér
sekan bankalaxinn.

og þá afturábak:

Bankalaxinn sekan sér
sjaldan stjórnar illa.
Vaxin sínum önnum er
aldrei lýðnum fórnar.