Ferð á heilsugæsluna

Nervus hef ég klemmdan cutaneus
og kröm í minni vinstri femoralis.
Læknirinn með innsæi og EUS*
uppnuminn svo stundi - lateralis.

Bragfræðiheimasíða

Hér er góð bragfræðiheimasíða fyrir byrjendur - Bragur. 

Þó að líði ár og öld
yrkja mun ég kvæði
Nætur, morgna, niðdimm kvöld
næring - bragarfræði. 

Veikindi

Lasinn í síðustu viku: 

 

Hérna sit ég heimavið
horfullur í koki
með illan hósta, auman lið
eins og hitapoki.

 

 

Þrjár stökur

Þegar gulbrúnt laufið laust
læðist undan vindi
Þá nálgast jafnan hrímkalt haust
og hvítnar smá á tindi.


Þó blasi við oss baslið grátt
þá burt við fælum sorgir
Því veðrið það mun smátt og smátt
smíða fannaborgir.


Oft er nokkur eftirsjá
og engin sólarglenna.
En upp á fannir fara má
á fullt svo niður renna

Til kríunnar

Æðir suður ungamergð
undan haustsins vendi.
Kría glæsta, góða ferð
gæfan með þér lendi.

Árstíðir

Hylji tíminn haustsins spor
hefst þá kaldur vetur.
Seinna birtist síkvikt vor
sumar bíða getur

Um kunningja minn

[Nafn hér] ákaft sýpur saft
sem sullast meðal tanna.
Þannig fær hann kynjakraft
til kynlífsathafnanna.

 

Mús

Sífellt haustar sölna tún

sést úr holu skríða mús.

Um ljósgul blöðin læðist hún

og laumast síðan inn í hús.

Bráðum kemur..

Bráðum kemur kreppan mikla
kjaftinn mun hún glenna upp
Allir vöðva ætla'að hnykla
en aðallega rump og hupp.

Öllum gefst þá auknar skuldir
einnig þeir sem gá að sér.
Engir sjást þá sjóðir duldir
svífur burtu aurager.
 

Garpar?

Á þingi forðum mættust menn á meðal garpa.
En núna gelta, gjamma, karpa
glefsa, bíta, sprengjum varpa.