Samhengislaust

Hér eru þrjár samhengislausar stökur (sú fyrsta er limra) sem mér finnst rétt að halda til haga.

Sú fyrsta varð til þegar verið var að stríða mér ;) 

Ég kannast við stríðni í kauða
sem kallar oss bölvaða sauða
og grínið köld fönn
hann glottir við tönn
gervalla nóttina rauða.

Önnur var um þá kenningu að örnefni tengt pöpum væri vísun í brjóst.

Það er frekar fornt- óljóst
þeir fyrstu í landnáminu.
En prýði þykja papabrjóst
sem punt í landslaginu

Svo varð ein til fyrir nokkru síðan og var hugsuð sem gestabókafærsla sem ekki varð úr.

Veisluföng og vistir þínar
vekja kökk.
því harðar voru hægðir mínar
-hafðu þökk.

Athugasemdir

[Höskuldur Búi Jónsson, 23.11.2009 kl. 15:19]

Fyrir ættingja og vini sem ég hef farið í matarboð til undanfarna mánuði, þá skal það tekið fram að seinni tvær línurnar í þriðju vísunni urðu ekki til vegna ákveðins atburðar

[Offari, 24.11.2009 kl. 19:00]

En var ég nokkuð að stríða þér þegar önnur vísan var samin?

[Höskuldur Búi Jónsson, 24.11.2009 kl. 22:52]

Nei - ekki vitund