Lummur

Svona bý ég til lummur, mörgum finnst þær ansi góðar hjá mér.

Sýð hrísgrjónagraut* og nota afganginn af honum (því ég elda alltaf of mikið af hrísgrjónagraut).
Hræri eitt-tvö egg út í, bæti mjólk og hveiti út í, og reyni að búa til rétta þéttleikann.
Steikarpanna hituð á mesta hita og smá smjörklípa brædd.
Hendi smá slettu af deigi með stórri skeið á pönnuna og prófa að steikja, þynni með mjólk eða geri þykkara með hveiti þar til réttri þykkt er náð.
Steiki báðum megin í smá stund, þar til lumman er þokkalega brún, set á disk og strái sykri á heita lummuna.
Borið fram með kaffi og koníaki.

*Hrísgrjónagrautur: hrísgrjón soðin í vatni salti og smá smjöri, mikið af mjólk bætt útí og rúsínur að vild. Látið malla vel og lengi.

Grautur, egg, mjólk, smáklíp smjör
smotterí hrærð slumma
Steikj'á pönnu stuð og fjör
stemming hér er lumma.