Nýlegt efni

Læðast skuggar, lengjast smá og labba víðar.
Leggjast dagar laust til náðar
lifnar rökkrið við sér bráðar.

Í húmi næturs, hrímið vaknar, hlýjan flytur.
Kominn er hér kulda vetur,
kraftur hausts ei meira getur.

---

Krafsar djúpt í kulnað brum
klípur rjúpan salla.
Flýgur ljúft og fögur um
fagnar hjúpi mjalla

Dökkna yfir okkur ský
allt er litað gráu.
Glöð um tinda ganga strý
grána fjöllin háu.

---

Gaspra vindar. geysa brátt
grátt á tinda háu.
Jarma kindur kalla hátt
hverfa yndin smáu.

 

---

Skuggar aukast linnulaust,
læðast samt og bíða,
því að enn er ekkert haust,
aðeins sumarsblíða.

Þó að sífellt gulni gras,
gráminn taki völdin,
fuglar þagni, minnki mas,
milt er enn á kvöldin.