Kvæðavaðall

17.3.2011

Með eða á móti

Fyrir dygga lesendur mína.

Hér fáið þið stöku til að henda á þá sem eru andstæðir skoðunum ykkar - nú geta pólitískar keilur farið að falla á báða bóga Wink

Fjandi ertu fáfróður
og flest þín orð sem smér.
Allstaðar er áróður
en einna mest hjá þér

Bætt við - önnur útgáfa:

Fjandi ertu fáfróður
flest rök hrökkva'af mér.
Allstaðar er áróður
en einna mest hjá þér

Svo er hér staka sem ætti að vera nothæf til að skora stig í þjóðmálaumræðunni:

Við heyrum stundum röfl og raus
sú rökþurrð margan ærir.
Ef rökin verða rakalaus
sú röksemd engan nærir.

Svo voru það sléttubönd sem má lesa fram og til baka - eftir hvaða skoðun hentar hverju sinni:

Fórnar lýðnum, aldrei er
önnum sínum vaxin.
Stjórnar illa, sjaldan sér
sekan bankalaxinn.

og þá afturábak:

Bankalaxinn sekan sér
sjaldan stjórnar illa.
Vaxin sínum önnum er
aldrei lýðnum fórnar.

Meginflokkur: Stökur | Aukaflokkur: Ljóð | Breytt s.d. kl. 22:02 | Facebook

Skemmtilegt :)

Bætti við aðra útgáfu af fyrstu vísunni :)

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höskuldur Búi Jónsson

Ég yrki og blaðra.

Uppfært á 3 mín. fresti.
Skýringar