Samhengislaust

Hér eru þrjár samhengislausar stökur (sú fyrsta er limra) sem mér finnst rétt að halda til haga.

Sú fyrsta varð til þegar verið var að stríða mér ;) 

Ég kannast við stríðni í kauða
sem kallar oss bölvaða sauða
og grínið köld fönn
hann glottir við tönn
gervalla nóttina rauða.

Önnur var um þá kenningu að örnefni tengt pöpum væri vísun í brjóst.

Það er frekar fornt- óljóst
þeir fyrstu í landnáminu.
En prýði þykja papabrjóst
sem punt í landslaginu

Svo varð ein til fyrir nokkru síðan og var hugsuð sem gestabókafærsla sem ekki varð úr.

Veisluföng og vistir þínar
vekja kökk.
því harðar voru hægðir mínar
-hafðu þökk.

Kuldin kitlar frónið.

Uppi við örkum á hjara
undir mun hlýnunin mara.
Ilurinn fór
og enn kemur snjór
því árstíðir koma og fara.

Andað með nefinu

Ef stigmagnast þrasið og þrefið
svo þyngist mjög slímið og kvefið
og aumt nefið brennur
og endalaust rennur
þá ættirðu að fá þér í nefið.

Búrkutíð

Ég heyrði frétt í útvarpinu um daginn.

Fréttin fjallaði um það að búrkuframleiðendur í Afganistan væru að kvarta yfir minni sölu búrkusölu, vegna þess að konur þar í landinu væru orðnar frjálslyndari í fatasmekk. Málið er að mér heyrðist þulurinn segja "gúrkuframleiðendur" og var mér eðlilega brugðið við tíðindin:
 
Skelfilegt er þetta skúrkastríð
en skrítin mér þykir nú gúrkutíð
er þetta níska
eða nýstarleg tíska
undarleg er þessi búrkutíð.

Ein limra fyrir helgina

Best er að berjast við trega
á brúninni mun ég salt vega
lengst upp í sveit
ég sælu á reit
-á salerni sit virðulega.

Drykkjulimra

Í hendi hef helvítis sull
hálf krúsin er samt hálffull
það kveikir ei bál
og bragðast sem ál
Egils bjór er varla Gull

Stökur og limrur vikunnar.

Hér er ein sakamálalimra:

Rannveig var Ragga að farga 
en rekan hún gerði'ana arga.
í gröfuna fór
því guminn var stór
og mokaði rúmmetra marga.

Svo er hér tvær stökur samvaxnar um karlkynsframbjóðendur (á leir var verið að spá í það af hverju karlar væru tregari til að flíka útvexti sínum til að heilla hitt kynið):

Frambjóðendur fara'í keng
er flagga prýðisketi,
í bláum þröngum buxnastreng
svo bólgan sjáist geti.
 
Margir karlar kunna ráð
konur til að lokka.
Leyndarmálið skal nú skráð:
þeir skella í buxur sokka.

Svo var frétt á visir.is: Kannaði leyndarmálin í kvennaklefum (lag Ísland ögrum skorið)
 
Klofið, klippt og skorið,
krúnurakað þétt,
barma hárlaus borið
blasir það við nett. 
-Hlýju hefur misst.
En nauðsyn er að rýja rétt
því raksturinn er list. 

Svo er hér heilræði fyrir helgina:

Klístraðu á kollinn gel
og kneifaðu svo vínið dátt
en farðu elsku vinur vel
og varlega í yfir-drátt.

Lánaloforðið

Ég lána ei blásnauðum bjána
því bankabók vil ég ei smána.
En af því ei dreg
að ef þú ert ég
að endalaust mun ég þér lána.

Lánuðu sjálfum sér milljarða

Rýrnun

Þetta er sjálfsagt skepnuskapur, en læt það vaða.

Í kasti víst koðnaði Jón
og Kidda þá fylgdi stórtjón
á frjálslyndra fund
mættu fimmhundruð pund
Guðjón og Grétar Mar ljón 

Maður kemur í manns stað

Þórður býður fram krafta blaðamanns.

Eftirfarandi kemur fram í fréttinni sem ég vísa í: 

Þórður Guðjónsson hefur ákveðið að bjóða Sjálfstæðisflokknum krafta mína fyrir komandi alþingiskosningar...

Ég vona að Þórður fari ekki að bjóða Sjálfstæðisflokknum krafta mína, þá myndi ég eflaust lamast skyndilega - sjálfviljugur.

Þessi útúrsnúningur var ókeypis og í raun góðverk dagsins af minni hálfu.

Lamast mun þessi blogg-loddi
ef lýsa mun yfir hann Doddi:
að vinni ég senn
fyrir sjálfstæðismenn.
Ég er mjúkur og meyr eins og koddi.

Býður sig fram í 1.-4. sætið hjá Sjálfstæðisflokki í NV-kjördæmi