Leita í fréttum mbl.is
Embla

Bloggfærslur mánaðarins, september 2006

Djúsí pasta

Hérna er einn góður pastaréttur.

Hráefni fyrir 2-3 myndi ég áætla, tekur um korter að framreiða.
Pasta slaufur (300 g)
Beikonsmurostur (tæp dolla)
Rjómi (1/4 lítri)
Rauð Paprika pulsur (5 stykki)
pepperoni (hálft bréf)
skinka (hálft bréf)

Pastað soðið og pannan eða potturinn hitaður.
Paprikan, pylsurnar, pepperoníið og skinkan eru skorin í bita.
Pylsurnar steiktar á pönnu í smá stund einar, skinkunni og pepperoní bætt útí, steikt í smá stund síðan er beikonostinum bætt út í og hann látinn bráðna.
Rjómanum bætt við og loks er paprikan sett útí.

Þessu er svo blandað saman við pastað.
Líklega væri fínt að hafa hvítlauksbrauð með þessu, gleymdi að kaupa, en fínt samt.

Pastasullið pulsubland,
Pepperóní, rjómaslettu
Paprika og pottabrand,
passlega á diskinn settu.

Haustmynd

Í kjarrinu er karri einn,
að kroppa ber og lyngið.
hrafn í flýti svífur seinn,
að setja krummaþingið.

Himininn er heiður mjög
hreyfist varla bára,
sjófugl bærir sjóalög
og sést þá lítil gára.

Rauðgult kjarrið slær á slétt
slípað marið tæra.
Litar sólgult lyngið blett
í lognstillt hafið væra.

Á hvolfi fjöllin mála mar,
er mætast haf og tindar.
Í hlíðum ómar svansins svar,
sólin fagra blindar.

Haust

Ilmur haustsins heilsar mér
hrikta lauf í gjólu.
Týna kannski blá þau ber,
er blána neðan hólu.

Best er angan berjalings
er bærast haustsins vindar.
Hressir ómur hrafnaþings
hvítna fjalla tindar

Gult og rautt er laufblað laust,
laust í vindi skoppar.
Litafegurð, hreint er haust
hreinir fjallatoppar.

Höfundur

Höskuldur Búi Jónsson
Höskuldur Búi Jónsson

Ég yrki og blaðra.

122 dagar til jóla

Ágúst 2017
S M Þ M F F L
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Heimsóknir

Flettingar

  • Í dag (24.8.): 0
  • Sl. sólarhring: 1
  • Sl. viku: 13
  • Frá upphafi: 44319

Annað

  • Innlit í dag: 0
  • Innlit sl. viku: 11
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband