Fuglakliður

Stelkar bryðja stöðugt hnoss
stæltir niðrá leiru.
Gælir við mig fagur foss
fuglakliðs að eyru.

Ástarhnútur

Gægist út úr greinum brum
grænt sem klútur horsins.
Ergir hrút með afbrigðum
ástarhnútur vorsins.

Dónavísa

Amorstollinn blíðan ber
blikinn, hollur maki.
Unaðshrollur um hann fer 
uppá kollubaki.

Uppvinnsla 3

2.4.2013

Hávært bylur tunnan tóm,
taugar skilnings emja,
vorsins ylur espar lóm,
sem ýmsir vilja lemja.

3.4.2013

óort

4.4.2013

Eftir stríðið arkar brott
allur kvíði'og pína,
er vorið þýða grænt og gott
gefur blíðu sína.

5.4.2013

Vorið nýja brosir blítt
blása hlýjir vindar
sólarstríið fjarska frítt
fælir ský - og blindar.

Uppvinnsla 2

28.3.2013

Flekkótt lítur ljós á snjá
ljúfur trítlar gráni
skáldlegt bítur skýin blá
skallahvítur máni

29.3.2013

óort

30.3.2013

óort

31.3.2013

Hitinn þjappar harðklakann
hlýr hann klappar móinn.
Jarpur vappar jaðrakann
um jörð og stappar snjóinn.

1.4.2013 (fyrsti apríl)

Þæg og meyr er þrítug gæs,
þögnin eyrun bælir,
hnjúkaþeyr af hafi blæs,
hreiður geirfugl mælir.

Uppvinnsla 1

22.3.2013

óort

23.3.2013

óort

24.3.2013

óort

25.3.2013

Sólarbrúin sælurík,
sjávarbúa kindir,
blikar úa út á vík,
æðarfrúin syndir.

26.3.2013

Speglast tjaldar öldu í,
einn margfaldur syngur,
undan faldi fjaran ný,
fljótt úr kalda springur.

27.3.2013

Hnarreist riða frerarfjöll,
fjöru, kliður skreytir.
Mjúkan kvið að kvöldi snjöll,
kolla fiðrið reitir.

Hrossagaukar

Sólin fossa brýtur bönd,
býr til hnoss á lauka,
sveiflar koss frá sjónarrönd,
á svanga hrossagauka.

Meitill

Um steina seytlar lækur létt
í leyni dreitlar fljótið
harðir eitlar nagast nett
niður meitlast grjótið.

Vorar senn

Vindar þöndu þurran ís,
þæfðu vöndinn frosna,
kældu lönd og klesstu hrís,
en klakabönd senn trosna.

Tvær hringhendur

18.3.2013

Vorið bankar vetrarskúr
visin plankabrotin,
blómin ranka roti úr,
rísa þankabrotin.

17.3.2013

Næturhjal um himnaljós
hrífa malið barna
ljós úr dvala lýsir ós
lítil halastjarna.

16.3.2013

óort