Af gömmum

Nú opna menn auðkennishlið

og ætla að strjúka sinn kvið 

en hýenur glotta

hlægja og spotta

því gammarnir vorum víst við

Líkur á skúrum

Það finnast oft bökur í búrum

og brækurnar hanga á snúrum.

og ef þú átt bíl

og annast af stíl

þá aukast víst líkur á skúrum.

Skattabreytingar

Flatskjái - sem betur fer,
fáum við - sem vera ber,
þar kokka á glápum,
en í kæliskápum
verður tómlegt og tæplega smér.

Eirgrænn lortur

Framsókn vill grýta þá grísku
gambísku og indónesísku
og því get ég ei ort
um þann eirgræna lort
- samt yrki því það er í tísku.

Flokkunarfræði

Ef að þú flokkast sem fasisti,

og flörtar þinn innri mann, rasisti

og illsku af þunga

ælir þín tunga

þú efalaust endar sem nasisti.

Umræða

Ef ætlarðu aðeins að kanna
umræðu góða og sanna
þá gættu þín á
að oft fara'á stjá
einræður skógræktarmanna.

Sikaflex

Ef lekinn þinn vex og vex
og vöntun þú hefur til þreks
þig allt er að buga
þá aðeins mun duga
ellefu Sikaflex.

Tvö skjöl um Tony Omos í gangi

Staka og limra

Ég á það til að gleyma því jafnóðum sem ég yrki sjálfur:

Undrun mín er æðisleg
oft það nálgast heimsku
að ýmsar stökur yrki ég
sem alltaf falla'í gleymsku.

 

Svo er hér ein limra um fjárlögin:

Þeir halda að verði þau hallalaus
og hreifir þeir kalla þau gallalaus
en út úr þeim brýst
og eitt er þó víst
með öllu, að þykja þau mjallalaus.

Bygging

Til eru hópar fólks sem af vanþekkingu mótmæla byggingu húss:

Viskulaus vekja þau froska,
með vöntun á andlegum þroska,
blásvört með hróp
brjálast í hóp
því bygging ein heita mun moska.

Hagvöxtur

Hugfangin heyrðum við forðum
um hagvöxt í tölum og orðum.

Lifnar því lund

og léttist um stund

er brauðmylsnan hrynur af borðum.