Kuldastökur

Élin lemur kalda kinn
kalt er nef og haka.
Veðrið ælir enn um sinn
ís og blautum klaka.

Frerablómin blómstra dátt

blöðin kuldinn skerpir.

Hafnarfjallið fölt og grátt

fötin að sér herpir.

 

Lífsins vítamín

Í krísu getur kvæðamergð
kreist fram brosin fín,
ljóst er því að ljóðagerð
er lífsins vítamín.

Hryllingsvísa:

 

Varúlfur þú vilt mig rífa'í sundur
verði tunglið alveg fölvagult,
Samt er eins og í þér sé smá hundur
ef að tunglið birtist trauðla fullt.